第一次要訂 帛事花牌 / 白事花牌 / 帛事花籃，好多人都會擔心： 「稱謂會唔會寫錯？」「顏色、款式會唔會唔適合？」
呢一頁用最簡單方式，幫你喺短時間內決定好 寫法（上款 / 下款）＋款式＋預算，之後再揀實際花款。
如果你趕時間，可以直接睇： 全部帛事花牌/花籃款式、 中式花牌、 西式花籃、 帛事花圈。
1. 乜嘢係「帛事花牌」？同花籃、花圈有咩分別？
一般講嘅 帛事花牌 / 白事花牌，其實包括：
- 帛事花牌／花籃：直立設計，放喺靈堂門口或禮堂兩側，適合親友、公司、同事。
- 帛事花圈：圓形 / 心形，感覺較隆重，多數放較顯眼位置。
- 主家坐地花籃：由家屬或至親送出，尺寸較大、放得較前。
簡單分法：
- 至親 / 主家：考慮大體坐地花籃或主家花牌，放前排。
- 親戚、朋友、同事、公司：揀一般花牌、花籃或花圈已經足夠莊重。
2. 上款點寫？（寫畀邊個）
上款係寫畀先人（逝者）嘅稱呼或名字，唔係寫自己。常見例子：
| 關係 | 常見上款寫法 |
|---|---|
| 父親 | 敬愛的父親大人 ／ 父親大人冥鑒 |
| 母親 | 敬愛的母親大人 ／ 最愛的媽咪 |
| 丈夫 / 太太 | 親愛的丈夫XX ／ 愛妻XX靈右 |
| 祖父母 / 外公外婆 | 親愛的祖父 ／ 外祖母大人冥鑒 |
| 朋友、上司 | 敬愛的XXX先生千古 ／ 親愛的朋友XXX |
如先人係直系或好親近家人，上款多數只寫名字，不寫姓。
想睇更完整稱呼，可以參考： 上下款關係表（自動建議）
3. 下款點寫？（邊個送）
下款係寫送花嘅人 / 公司名稱。簡單 rule：
- 公司 / 機構：「某某有限公司 敬輓」「全體同事 敬輓」。
- 子女送父母：「孝男XX 孝女XX 叩輓」「女兒XX偕夫XX率子XX叩輓」。
- 配偶：「妻XX泣輓」「丈夫XX泣輓」，感情較深。
- 親戚：「侄兒XX敬輓」「外孫女XX敬輓」「姻親XX敬輓」。
4. 不同宗教常見寫法
- 基督教 / 天主教：可用「某某弟兄 / 姊妹」「安息主懷」等，上款避免太佛教用語。
- 佛教 / 道教：常見「蓮位」「蓮前」「往生淨土」等字眼。
- 不清楚宗教：用中性字：「永遠懷念」「長存心中」「永誌懷念」最安全。
更多宗教細節可以參考： 喪禮習俗與宗教注意事項。
5. 顏色與款式點揀？
一般以 白色、米色、淡粉、淡黃 為主，感覺莊重、安靜。
- 穩陣、安全：白百合 + 白菊／黃菊，適合任何宗教。
- 較隆重：加玫瑰、繡球花等，適合公司或至親。
- 主家花牌：用大體坐地花籃，尺寸較高較闊，靈堂會較「企得起」。
如果你唔肯定揀邊款，只要 WhatsApp 告訴我哋：
「同佢係咩關係」＋「大約預算」＋「葬禮日期」，
我哋可以揀 2–3 款最合適嘅帛事花牌俾你揀。
6. 帛事花籃點揀？（搜尋「帛事花籃」嘅客人）
許多客人 search 「帛事花籃」，其實多數想搵「企喺地上、高身嘅帛事花牌」。簡單建議：
- 同事 / 朋友：中型花籃，約 HK$500–900，體面又唔誇張。
- 公司名義：高身、花量多少少，約 HK$800–1,500。
- 至親：用主家花籃系列，再配一兩個花圈或枱花，靈堂會完整好多。
你可以先睇： 帛事花籃系列， 有需要可以按 WhatsApp 問我哋靈堂高度建議。
7. 點樣揀一間可靠「帛事花店」？
搜尋 「帛事花店」 嘅朋友，多數第一次處理喪禮，最怕：唔準時、唔莊重、唔夠花。 揀花店時可以留意：
- 有冇清楚列出各殯儀館送貨安排、附加費、時間。
- 有冇主動幫客人 check 上下款、宗教、日期，避免寫錯。
- 會唔會喺守夜之前再影相 send 比主家確認。
- 客服係咪搵得到人？好多花店無全職 CS，老闆忙起上黎未必理到你；我哋團隊隨時 standby，確保有人跟進。
香港帛事花店 專做帛事花牌、花籃、花圈，主要往返各大殯儀館。 我們擁有全職客服團隊，每張訂單都會先用電話 / WhatsApp 核對資料，確定無誤先安排付款同落單， 盡量減少你喺呢段時間要擔心嘅細節。
如需了解今日靈堂安排，可以查看： 今日出殯及守夜日程。
8. 下一步：先睇款式，或直接 WhatsApp
以上內容由 香港帛事花店 根據實際客人個案及殯儀經驗整理，只作一般參考。 如有特別宗教要求、家族習俗或需要度身建議，歡迎隨時聯絡我哋。