第一次要订 帛事花牌 / 白事花牌 / 帛事花篮，好多人都会担心： “称谓会唔会写错？”“颜色、款式会唔会唔适合？”
呢一页用最简单方式，帮你喺短时间内决定好 写法（上款 / 下款）＋款式＋预算，之后再拣实际花款。
如果你赶时间，可以直接睇： 全部帛事花牌/花篮款式、 中式花牌、 西式花篮、 帛事花圈。
1. 乜嘢系“帛事花牌”？同花篮、花圈有咩分别？
一般讲嘅 帛事花牌 / 白事花牌，其实包括：
- 帛事花牌／花篮：直立设计，放喺灵堂门口或礼堂两侧，适合亲友、公司、同事。
- 帛事花圈：圆形 / 心形，感觉较隆重，多数放较显眼位置。
- 主家坐地花篮：由家属或至亲送出，尺寸较大、放得较前。
简单分法：
- 至亲 / 主家：考虑大体坐地花篮或主家花牌，放前排。
- 亲戚、朋友、同事、公司：拣一般花牌、花篮或花圈已经足够庄重。
2. 上款点写？（写畀边个）
上款系写畀先人（逝者）嘅称呼或名字，唔系写自己。常见例子：
| 关系 | 常见上款写法 |
|---|---|
| 父亲 | 敬爱的父亲大人 ／ 父亲大人冥鉴 |
| 母亲 | 敬爱的母亲大人 ／ 最爱的妈咪 |
| 丈夫 / 太太 | 亲爱的丈夫XX ／ 爱妻XX灵右 |
| 祖父母 / 外公外婆 | 亲爱的祖父 ／ 外祖母大人冥鉴 |
| 朋友、上司 | 敬爱的XXX先生千古 ／ 亲爱的朋友XXX |
如先人系直系或好亲近家人，上款多数只写名字，不写姓。
想睇更完整称呼，可以参考： 上下款关系表（自动建议）
3. 下款点写？（边个送）
下款系写送花嘅人 / 公司名称。简单 rule：
- 公司 / 机构：“某某有限公司 敬挽”“全体同事 敬挽”。
- 子女送父母：“孝男XX 孝女XX 叩挽”“女儿XX偕夫XX率子XX叩挽”。
- 配偶：“妻XX泣挽”“丈夫XX泣挽”，感情较深。
- 亲戚：“侄儿XX敬挽”“外孙女XX敬挽”“姻亲XX敬挽”。
4. 不同宗教常见写法
- 基督教 / 天主教：可用“某某弟兄 / 姐妹”“安息主怀”等，上款避免太佛教用语。
- 佛教 / 道教：常见“莲位”“莲前”“往生净土”等字眼。
- 不清楚宗教：用中性字：“永远怀念”“长存心中”“永志怀念”最安全。
更多宗教细节可以参考： 丧礼习俗与宗教注意事项。
5. 颜色与款式点拣？
一般以 白色、米色、淡粉、淡黄 为主，感觉庄重、安静。
- 稳阵、安全：白百合 + 白菊／黄菊，适合任何宗教。
- 较隆重：加玫瑰、绣球花等，适合公司或至亲。
- 主家花牌：用大体坐地花篮，尺寸较高较阔，灵堂会较“企得起”。
如果你唔肯定拣边款，只要 WhatsApp 告诉我哋：
“同佢系咩关系”＋“大约预算”＋“葬礼日期”，
我哋可以拣 2–3 款最合适嘅帛事花牌俾你拣。
6. 帛事花篮点拣？（搜寻“帛事花篮”嘅客人）
许多客人 search “帛事花篮”，其实多数想揾“企喺地上、高身嘅帛事花牌”。简单建议：
- 同事 / 朋友：中型花篮，约 HK$500–900，体面又唔夸张。
- 公司名义：高身、花量多少少，约 HK$800–1,500。
- 至亲：用主家花篮系列，再配一两个花圈或枱花，灵堂会完整好多。
你可以先睇： 帛事花篮系列， 有需要可以按 WhatsApp 问我哋灵堂高度建议。
7. 点样拣一间可靠“帛事花店”？
搜寻 “帛事花店” 嘅朋友，多数第一次处理丧礼，最怕：唔准时、唔庄重、唔够花。 拣花店时可以留意：
- 有冇清楚列出各殡仪馆送货安排、附加费、时间。
- 有冇主动帮客人 check 上下款、宗教、日期，避免写错。
- 会唔会喺守夜之前再影相 send 比主家确认。
- 客服系咪揾得到人？好多花店无全职 CS，老板忙起上黎未必理到你；我哋团队随时 standby，确保有人跟进。
香港帛事花店 专做帛事花牌、花篮、花圈，主要往返各大殡仪馆。 我们拥有全职客服团队，每张订单都会先用电话 / WhatsApp 核对资料，确定无误先安排付款同落单， 尽量减少你喺呢段时间要担心嘅细节。
如需了解今日灵堂安排，可以查看： 今日出殡及守夜日程。
8. 下一步：先睇款式，或直接 WhatsApp
以上内容由 香港帛事花店 根据实际客人个案及殡仪经验整理，只作一般参考。 如有特别宗教要求、家族习俗或需要度身建议，欢迎随时联络我哋。